Azərbaycanın əczaçılıq sektorunda etibarlı adı, geniş fəaliyyəti və peşəkar idarəçilik modeli ilə seçilən şirkətlərdən biri də “Zeytun Pharmaceuticals” MMC-dir. Bu uğurlu müəssisənin rəhbəri Bəhruz Şirəliyev ölkəmizdə səhiyyə sektorunun inkişafına töhfə verən, insanların keyfiyyətli dərman vasitələrinə çıxışının təmin olunmasında mühüm rol oynayan iş adamlarından biri kimi tanınır. Onun rəhbərliyi altında fəaliyyət göstərən şirkət bu gün Azərbaycanın ən böyük əczaçılıq distribütorlarından və apteklər şəbəkələrindən birinə çevrilib. Şirkət ölkə üzrə dərman vasitələrinin saxlanılması, logistika və paylanması sahəsində geniş fəaliyyət göstərir və dünyanın aparıcı əczaçılıq şirkətləri ilə əməkdaşlıq edir.

Bəhruz Şirəliyev fəaliyyətində hər zaman insan sağlamlığını əsas prioritet hesab edən rəhbərlərdən biridir. Onun rəhbərlik etdiyi “Zeytun Pharmaceuticals” yalnız dərman satışı ilə məşğul olan müəssisə deyil, eyni zamanda ölkənin səhiyyə sisteminə dəstək verən mühüm tərəfdaşlardan biri kimi tanınır. Müasir logistika imkanları, beynəlxalq keyfiyyət standartlarına uyğun fəaliyyət və geniş distribusiya şəbəkəsi sayəsində şirkət Azərbaycanın bütün bölgələrində insanların keyfiyyətli dərman vasitələrinə əlçatanlığını təmin edir.

Bəhruz Şirəliyevin idarəçilik fəlsəfəsinin əsasını keyfiyyət, məsuliyyət və insanlara xidmət prinsipləri təşkil edir. O hesab edir ki, səhiyyə sektorunda fəaliyyət göstərən hər bir qurumun əsas vəzifəsi insan sağlamlığını qorumaqdır. Məhz buna görə də şirkət beynəlxalq ISO və GDP sertifikatlarına malik olmaqla dərman vasitələrinin saxlanılması, daşınması və paylanması proseslərində yüksək standartlara riayət edir. Bu yanaşma “Zeytun Pharmaceuticals”ın etibarlı tərəfdaş kimi tanınmasına səbəb olub.

Onun rəhbərliyi altında şirkət dünyanın tanınmış əczaçılıq nəhəngləri ilə əməkdaşlıq əlaqələri qurub. Novartis, Abbott, Takeda, Sanofi, Berlin Chemie və digər beynəlxalq şirkətlərlə tərəfdaşlıq insanların müasir və keyfiyyətli dərman vasitələrinə çıxış imkanlarını genişləndirib. Bu əməkdaşlıqlar Azərbaycanın səhiyyə sektoruna beynəlxalq təcrübənin gətirilməsi baxımından da mühüm əhəmiyyət daşıyır.

Bəhruz Şirəliyev təkcə uğurlu rəhbər deyil, eyni zamanda yüksək sosial məsuliyyət hissinə malik iş adamıdır. O, daim aztəminatlı ailələrin yanında olmağa çalışan, ehtiyacı olan insanlara yardım göstərən və xeyriyyəçilik təşəbbüslərini dəstəkləyən şəxslərdən biri kimi tanınır. Müxtəlif bayram günlərində aztəminatlı ailələrə göstərilən yardımlar, sosial dəstək layihələri və humanitar təşəbbüslər onun insanlara olan diqqətinin və mərhəmət hissinin göstəricisidir.

Şəhid ailələrinə və qazilərimizə göstərilən diqqət də xüsusi vurğulanmalıdır. Vətən uğrunda canından keçmiş qəhrəmanlarımızın ailələrinə ehtiramla yanaşılması, qazilərimizin sosial problemlərinə həssas münasibət göstərilməsi və müxtəlif dəstək layihələrində iştirak edilməsi Bəhruz Şirəliyevin vətənpərvər mövqeyindən irəli gəlir. O hesab edir ki, şəhid ailələrinə və qazilərə qayğı göstərmək hər bir vətəndaşın mənəvi borcudur.

Bəhruz Şirəliyev dövlətçilik prinsiplərinə sadiq, Azərbaycanın inkişafını hər şeydən üstün tutan sahibkarlardandır. O, ölkəmizdə sahibkarlığın inkişafı, səhiyyə sisteminin gücləndirilməsi və əhalinin sosial rifahının yüksəldilməsi istiqamətində həyata keçirilən dövlət siyasətini daim dəstəkləyir. Onun fəaliyyətində dövlət maraqları və milli dəyərlər hər zaman ön planda dayanır.

Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən səhiyyə islahatları, dərman təminatının yaxşılaşdırılması və vətəndaşların sağlamlığının qorunması istiqamətində görülən işlər Bəhruz Şirəliyev tərəfindən yüksək qiymətləndirilir. O, öz fəaliyyətini də məhz bu strateji inkişaf kursunun bir hissəsi hesab edir və rəhbərlik etdiyi şirkətin imkanlarını ölkənin səhiyyə sisteminin inkişafına yönəltməyə çalışır.

Kollektivə münasibətdə də Bəhruz Şirəliyev nümunəvi rəhbər kimi tanınır. O, əməkdaşlarının peşəkar inkişafına, onların sosial rifahına və rahat iş şəraitinin yaradılmasına xüsusi diqqət göstərir. Şirkətdə formalaşan sağlam korporativ mühit, peşəkar komanda ruhu və qarşılıqlı hörmət prinsipləri onun idarəçilik bacarığının göstəricilərindən biridir.

Bu gün “Zeytun Pharmaceuticals” MMC Azərbaycanın əczaçılıq sektorunda etibarlılıq, keyfiyyət və peşəkarlıq anlayışlarının simvoluna çevrilibsə, burada Bəhruz Şirəliyevin uzaqgörən idarəçiliyinin, insanlara olan diqqətinin və dövlətə sədaqətinin mühüm payı vardır. Onun fəaliyyəti yalnız biznes uğurları ilə deyil, eyni zamanda insanların sağlamlığına, sosial rifahına və cəmiyyətin inkişafına verdiyi töhfələrlə də yüksək qiymətləndirilir.