Yasamal rayonu paytaxt Bakının ən iri və strateji ərazilərindən biridir. Burada əhalinin sıxlığı, yaşayış binalarının çoxluğu, ictimai iaşə və xidmət obyektlərinin müxtəlifliyi, eləcə də sosial infrastrukturun genişliyi səbəbindən Mənzil-Kommunal Təsərrüfatı Birliyinin fəaliyyəti olduqca mühüm əhəmiyyət kəsb edir. Bu məsuliyyətli və şərəfli vəzifənin öhdəsindən böyük peşəkarlıqla gələn, xidmətində dürüstlüyü və səmimiyyəti ilə seçilən şəxs isə Yasamal Rayon Mənzil-Kommunal Təsərrüfatı Birliyinin rəisi Vüsal Hüseynovdur.

Vüsal Hüseynov uzun illərdir ki, şəhər təsərrüfatı sahəsində öz zəngin təcrübəsi və səmərəli fəaliyyəti ilə tanınır. Onun rəhbərliyi ilə Yasamal rayonunda mənzil-kommunal xidmətlərinin keyfiyyəti yeni mərhələyə yüksəlib. Həm binaların təmiri və abadlaşdırılması, həm həyətlərin yaşıllaşdırılması, həm də küçə və səkilərin təmizliyi sahəsində görülən işlər rayon sakinlərinin gündəlik həyatına rahatlıq gətirib.

Rayonun hər bir küçəsi və həyəti daim diqqət mərkəzində saxlanılır. Uşaqlar üçün oyun meydançalarının qurulması, yaşıl zolaqların artırılması, mövcud ağacların qorunması, işıqlandırma sistemlərinin yenilənməsi, məişət tullantılarının vaxtında daşınması və səliqə ilə idarə olunması Vüsal Hüseynovun rəhbərliyi altında həyata keçirilən işlərin yalnız bir hissəsidir. O, daim sakinlərlə ünsiyyətdə olur, onların təklif və iradlarını diqqətlə dinləyərək hər bir məsələnin tez bir zamanda həllinə çalışır.

Əlbəttə ki, bu fəaliyyətin uğurlu olmasında dövlət başçısı cənab İlham Əliyevin şəhər təsərrüfatına göstərdiyi yüksək diqqət və qayğının da rolu danılmazdır. Vüsal Hüseynov bu qayğını öz işində əsas prinsiplərdən biri kimi qəbul edərək, dövlət siyasətinin tələblərinə uyğun şəkildə xidmətləri daha da təkmilləşdirir.

Onun fəaliyyətində sosial həssas qruplara – xüsusilə də şəhid ailələri və qazilərə göstərilən diqqət və qayğı xüsusi yer tutur. Bu ailələrin yaşayış şəraitinin yaxşılaşdırılması, məişət problemlərinin həlli, mənzillərin təmiri və ya həyətlərinin abadlaşdırılması kimi məsələlərdə hər zaman onların yanında olmaq Vüsal Hüseynovun mənəvi borcu hesab olunur. Onun rəhbərliyi ilə şəhid ailələrinin qaldığı binalarda təmizlik işlərinə xüsusi diqqət yetirilir, həyətlərdə abadlıq işləri aparılır və daim onlara mənəvi dəstək göstərilir.

Bu gün Yasamal rayonu paytaxtın ən səliqəli və abad ərazilərindən biri kimi tanınırsa, bunda Vüsal Hüseynovun fədakar əməyinin və düzgün idarəçiliyinin rolu əvəzsizdir. O, həm rəhbər, həm də vətəndaş kimi daim xalqa xidmət etməyi özünə ali məqsəd seçmişdir.

Beləliklə, Yasamal Rayon Mənzil-Kommunal Təsərrüfatı Birliyi Vüsal Hüseynovun rəhbərliyi ilə təkcə xidmət sahəsində deyil, həm də sosial məsuliyyət və vətəndaş qayğısı sahəsində nümunə göstərir. Bu fəaliyyət həm sakinlərin razılığı, həm də dövlətin etimadı ilə qiymətləndirilir.