Hər il 2 iyul tarixi Azərbaycan Polisi Günü kimi qeyd olunur. Bu şərəfli gün, hüquq-mühafizə orqanlarının yüksək məsuliyyətli fəaliyyətinə verilən qiymətin simvoludur. Azərbaycanın sabitliyinin və təhlükəsizliyinin təmin olunmasında böyük xidmətlər göstərən polis orqanları arasında fərqlənən rəhbərlərdən biri də Qəbələ Rayon Polis Şöbəsinin rəisi, polis polkovnik-leytenantı Fəxrəddin Abbasovdur.

Fəxrəddin Abbasov Qəbələdə cinayətkarlığa qarşı mübarizədə, hüquqi maarifləndirmə, ictimai asayişin qorunması və vətəndaş məmnuniyyətinin artırılması sahəsində daim qabaqcıl mövqe tutur. O, öz idarəçiliyində nizam-intizamı və vicdanlı xidməti əsas prinsiplər kimi müəyyən edib. Onun komanda ruhu yaratmaq bacarığı, həmkarlarına örnək olan davranış mədəniyyəti, idarəetmədə yeniliklərə açıq yanaşması nəticəsində şöbə fəaliyyətini davamlı şəkildə təkmilləşdirir.

Qəbələdə təkcə cinayətə qarşı mübarizə deyil, eyni zamanda cəmiyyətin müxtəlif təbəqələri – o cümlədən məktəblilər, gənclər və həssas əhali qrupları ilə əməkdaşlıq və maarifləndirmə fəaliyyəti də Fəxrəddin müəllimin rəhbərliyi ilə daha da sistemli hala gətirilib.

Bu istiqamətdə həyata keçirilən işlər Daxili İşlər Naziri, general-polkovnik Vilayət Eyvazovun müasir və vətəndaş mərkəzli hüquq sistemi strategiyasına tam uyğun şəkildə icra olunur. Fəxrəddin Abbasov bu siyasətin bölgədə uğurlu icraçılarından biridir.

Faktsubut.com kollektivi olaraq, Fəxrəddin Abbasovu Azərbaycan Polisi Günü münasibətilə səmimi qəlbdən təbrik edir, ona möhkəm iradə, sağlamlıq və hüquq-mühafizə fəaliyyətində davamlı uğurlar arzu edirik. Hüququn və ədalətin qorunması yolunda atdığı hər addım xalqın etimadını möhkəmləndirir.