Azərbaycanın hər bir guşəsi öz tarixi, təbiəti və yetirdiyi insanlarla dəyərlidir. Belə yurd yerlərindən biri də Qubadlıdır. Hər il oktyabrın 25-də qeyd olunan Qubadlı Şəhəri Günü azadlığın sevincini və bu yolda göstərilən fədakarlığı xatırladır.
2020-ci ildə baş vermiş 44 günlük Vətən müharibəsi bu həsrətin sona çatmasına yol açdı. Oktyabrın 25-də Azərbaycan Ordusu Qubadlı şəhərini işğaldan azad etdi. Bu xəbər bütün ölkədə böyük sevinc və qürurla qarşılandı. Qubadlının azad olunması xalqımızın yaddaşına unudulmaz hadisə kimi yazıldı.
2020-ci il oktyabrın 25-də Azərbaycan Ordusu Vətən müharibəsi zamanı Qubadlı şəhərini işğaldan azad etdi. Bu xəbər bütün ölkədə böyük sevinc və qürurla qarşılandı. Uzun illər doğma evindən ayrı düşmüş insanların yurd həsrəti yeni ümidlə əvəz olundu. Qubadlıda Azərbaycan bayrağının yenidən dalğalanması xalqımızın yaddaşına unudulmaz hadisə kimi yazıldı.
Azərbaycan Respublikasının Prezidenti İlham Əliyevin 31 iyul 2023-cü il tarixli Sərəncamı ilə 25 oktyabr Qubadlı Şəhəri Günü kimi təsis edildi. Bu günün qeyd olunması tarixi qələbənin yaşadılmasına, şəhərin azadlığı uğrunda mübarizə aparan qəhrəmanların tanıdılmasına və gələcək nəsillərdə Vətənə bağlılığın güclənməsinə xidmət edir.
Qubadlının azad olunması əsgər və zabitlərimizin cəsarəti, döyüş bacarığı və fədakarlığı sayəsində mümkün oldu. Onlar çətin şəraitdə irəliləyərək üzərlərinə düşən vəzifəni şərəflə yerinə yetirdilər. Bu gün azad torpaqlarımızdan danışarkən şəhidlərimizi dərin ehtiramla anır, qazilərimizin və bütün hərbçilərimizin xidmətlərini minnətdarlıqla xatırlayırıq. Onların qəhrəmanlığı hər birimiz üçün vətənpərvərlik nümunəsidir.
72 nömrəli məktəb-liseyin Tarix müəllimi Həsənzadə Damla