Fakt Sübut » Tarixdən gələcəyə uzanan siyasi irs
Tarixdən gələcəyə uzanan siyasi irs
3 oktyabr 1993-cü il Azərbaycan dövlətçiliyinin taleyində dönüş yaradan tarixlərdən biridir. Həmin gün xalqın böyük əksəriyyətinin Heydər Əliyevə etimad göstərməsi ölkəmizin siyasi inkişafında yeni mərhələnin başlanmasına səbəb oldu. Bu seçim müstəqilliyin ilk illərində ciddi sınaqlarla üzləşən Azərbaycanın dövlətçilik institutlarının qorunması və möhkəmləndirilməsi baxımından həlledici əhəmiyyət daşıdı. Xalq öz iradəsi ilə ölkənin gələcəyini peşəkar idarəçilik və güclü dövlətçilik ənənəsi ilə əlaqələndirdi.
Ümummilli Lider Heydər Əliyevin Prezident seçilməsindən sonra Azərbaycanın qarşısında duran ən mühüm vəzifə dövlətin sabitliyini təmin etmək və müstəqilliyin dönməzliyinə nail olmaq idi. Ulu Öndər qısa müddətdə siyasi qarşıdurmaların səngidilməsi, dövlət idarəçiliyinin möhkəmləndirilməsi və qanunun aliliyinin təmin edilməsi istiqamətində mühüm addımlar atdı. Dövlət çevrilişi cəhdlərinin qarşısının alınması və vətəndaş qarşıdurması təhlükəsinin aradan qaldırılması ölkədə sabit inkişaf üçün əsas siyasi zəmini formalaşdırdı. Beləliklə, Azərbaycan böhran vəziyyətindən çıxaraq ardıcıl dövlət quruculuğu mərhələsinə qədəm qoydu.
Ulu Öndərin siyasi irsinin mühüm istiqamətlərindən biri də Azərbaycanın dünyaya açılması və milli maraqlar əsasında beynəlxalq əməkdaşlığın genişləndirilməsi idi. Tarazlaşdırılmış xarici siyasət ölkəmizin müxtəlif güc mərkəzləri ilə münasibətlərini inkişaf etdirməsinə və beynəlxalq təşkilatlarla əməkdaşlığını genişləndirməsinə şərait yaratdı. Azərbaycan həqiqətlərinin dünya ictimaiyyətinə çatdırılması, Ermənistanın işğalçılıq siyasətinin beynəlxalq müstəvidə ifşa olunması və ərazi bütövlüyümüzün bərpasının dövlət siyasətinin əsas məqsədlərindən biri kimi müəyyənləşdirilməsi gələcək qələbə üçün mühüm siyasi baza yaratdı.
İqtisadi strategiya da müstəqilliyin möhkəmləndirilməsinə xidmət edən uzunmüddətli xətt kimi formalaşdırıldı. “Əsrin müqaviləsi” Azərbaycanın enerji potensialını beynəlxalq əməkdaşlığın mühüm istiqamətinə çevirdi. Sonrakı illərdə enerji və nəqliyyat layihələrinin genişlənməsi ölkənin regional əhəmiyyətini artırdı, iqtisadi imkanlarını genişləndirdi. Ulu Öndərin müəyyən etdiyi bu strategiya Azərbaycanın gələcək inkişafı üçün dayanıqlı maliyyə və iqtisadi baza yaratdı.
Heydər Əliyev siyasi kursunun əsas mahiyyəti Prezident İlham Əliyevin rəhbərliyi ilə müasir dövrdə yeni məzmun və daha geniş miqyas qazandı. Ölkənin iqtisadi gücünün artırılması, müdafiə qabiliyyətinin yüksəldilməsi və beynəlxalq mövqelərin möhkəmləndirilməsi ardıcıl dövlət siyasətinin əsas nəticələrinə çevrildi. Bu siyasətin yaratdığı güc və imkanlar 2020-ci ildə Azərbaycanın ərazi bütövlüyünün bərpası ilə nəticələndi. 2023-cü ildə dövlət suverenliyinin tam təmin edilməsi isə bu tarixi prosesin məntiqi və mühüm yekunu oldu.
Bu gün Azərbaycan 3 oktyabr 1993-cü ildə başlanmış böyük siyasi yolun nəticələrini yaşayır. Heydər Əliyevin dövlətçilik irsi zamanın sınaqlarından keçərək müasir Azərbaycanın inkişaf strategiyasının mühüm dayaqlarından birinə çevrilib. Prezident İlham Əliyevin həmin siyasi kursu qətiyyətlə davam etdirməsi nəticəsində Azərbaycan yalnız öz müstəqilliyini qoruyan deyil, həm də ərazi bütövlüyünü və suverenliyini bərpa edən, regionda və beynəlxalq aləmdə mövqeyi güclənən dövlətə çevrilib. Buna görə də 3 oktyabr 1993-cü il Azərbaycan tarixində bir seçkinin tarixi olmaqdan daha böyük məna daşıyır: bu tarix milli iradənin dövlətçilik strategiyasına çevrildiyi və gələcək Zəfərin siyasi əsaslarının qoyulduğu mühüm başlanğıcdır.
Rüstəm Nağıyev,
YAP Gədəbəy rayon təşkilatının sədri.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Daha çox xəbər :
-
Elşad Abdullayev: Misilsiz tarixi xidmət nümunəsi ...
19-06-2025, 12:06
-
Müsəlman dini qurumlarının təmsilçilərindən ...
17-09-2026, 11:09
-
Nəsimi Nəsibov: Azərbaycanın Humanitar ...
27-08-2025, 23:56
-
Eminov Mehman: Azərbaycanın Humanitar Siyasətinin ...
29-08-2025, 10:02
-
Sədaqət və mərhəmətin təcəssümü – Tibb bacısı ...
12-05-2025, 12:26