Azərbaycanın müasir dövlətçilik tarixi misli görünməmiş şanlı zəfərlər və suverenliyin tam bərpası ilə zəngindir. 2020-ci ildə Vətən müharibəsi ilə başlanan Böyük Qayıdış və ərazi bütövlüyünün təmin olunması prosesi, 2023-cü ilin sentyabrında keçirilən uğurlu lokal antiteror tədbirləri ilə öz məntiqi kulminasiya nöqtəsinə çatdı. Bu tarixi prosesin ən mühüm simvolik və strateji məqamlarından biri Müzəffər Ali Baş Komandan, Prezident İlham Əliyevin 15 oktyabr 2023-cü il tarixində azad edilmiş Ağdərə şəhərinə səfəri və orada Azərbaycan Respublikasının Dövlət Bayrağını ucaltması oldu.

Ağdərə rayonu zəngin təbii resursları, strateji coğrafi mövqeyi və tarixi abidələri ilə Qarabağ bölgəsinin ən mühüm guşələrindən biridir. 1990-cı illərin əvvəllərində işğal altına düşən bu ərazilər uzun illər boyunca erməni separatçılarının dayaq nöqtələrinə çevrilmişdi. 2023-cü il sentyabrın 19-20-də keçirilən 24 saatlıq antiteror tədbirləri nəticəsində bölgədəki qanunsuz hərbi birləşmələr təslim oldu və Azərbaycan öz suverenliyini bütün ölkə ərazisində tam təmin etdi.

15 oktyabr 2023-cü il tarixi Azərbaycan xalqının yaddaşına qızıl hərflərlə yazıldı. Prezident İlham Əliyev Xankəndi, Xocalı, Əsgəran və Xocavəndlə yanaşı, Ağdərə şəhərində də üçrəngli dövlət bayrağımızı ucaltdı. Bu addım təkcə bir ərazinin azad olunması deyil, 30 illik həsrətin, pozulmuş tarixi ədalətin və milli qürurun bərpası idi.

Ali Baş Komandanın Ağdərəyə səfəri böyük siyasi, hərbi və rəmzi məna kəsb edirdi:

• Milli Suverenliyin Təcəssümü: Ağdərə şəhərində dövlət bayrağının ucaldılması Azərbaycanın mülki və hüquqi hakimiyyətinin bu ərazilərdə tam bərqərar olduğunu bütün dünyaya nümayiş etdirdi.

• Böyük Qayıdışın Başlanğıcı: Bayrağın ucaldılması bölgədə aparılacaq genişmiqyaslı bərpa, quruculuq və infraqruktur layihələrinin rəsmi startı demək idi.

• Tarixi Zəfərin Təsdiqi: 15 oktyabr tarixi həm də İlham Əliyevin ilk dəfə Azərbaycan Respublikasının Prezidenti seçilməsinin 20-ci ildönümünə təsadüf edirdi. 20 il ərzində verilən sözlərin, yürütülən məqsədyönlü siyasi-hərbi xəttin real nəticəsi Ağdərədə dalğalanan bayraqla təsdiq olundu.

Bayraq ucaldıldıqdan dərhal sonra Ağdərə rayonunda sürətli bərpa və yenidenqurma işlərinə başlanıldı. Ağdərənin zəngin kənd təsərrüfatı potensionalı, Suqovuşan su anbarı vasitəsilə su ehtiyatlarının idarə olunması və turizm imkanları bölgənin iqtisadi dirçəlişində əsas rol oynayacaqdır. Ağdərə şəhərində aparılan yenidənqurma və infrastrukturun bərpası işləri bölgənin sosial-iqtisadi həyatına yeni nəfəs verir.

Bölgənin zəngin su resursları və kənd təsərrüfatı potensialı Qarabağ iqtisadi rayonunun ümumi inkişafında müstəsna rol oynayır.

Sakinlərin doğma yurdlarına təhlükəsiz və mərhələli şəkildə qaytarılması üçün müasir standartlara cavab verən yaşayış massivləri salınır.

Müzəffər Ali Baş Komandanın hər bir səfəri azad edilmiş torpaqlarda həyata keçirilən layihələrin

Prezident İlham Əliyevin azad olunmuş torpaqlara, o cümlədən Ağdərəyə hər bir səfəri bölgənin təhlükəsizliyinin, inkişafının və keçmiş məcburi köçkünlərin öz doğma yurdlarına təhlükəsiz qaytarılmasının təminatıdır.

Müzəffər Ali Baş Komandanın 15 oktyabr 2023-cü ildə Ağdərədə ucaltdığı üçrəngli bayraq Azərbaycanın əbədi müstəqilliyinin, sarsılmaz birliyinin və qalibiyyət ruhunun daimi rəmzi olaraq dalğalanmaqdadır.

E.Ağayev adına 198 nömrəli tam orta məktəbin əməkdaşı

Mirzəbəyova Şəhla Əli qızı