PREZİDENT İLHAM ƏLİYEVİN AVROPA KOMİSSİYASININ PREZİDENTİ URSULA FON DER LYAYENİN 1 İYUL 2026-CI İL TARİXİNDƏ AZƏRBAYCANA SƏFƏRİ ZAMANI VERDİYİ BƏYANAT CƏNUBİ QAFQAZDA SÜLH VƏ TƏRƏFDAŞLIĞIN YENİ MƏRHƏLƏSİNİ MÜƏYYƏN EDİR

 

 

Müasir beynəlxalq münasibətlər sistemində Azərbaycan Respublikasının tutduğu strateji mövqe, milli maraqlara və qarşılıqlı faydalı tərəfdaşlığa söykənən xarici siyasət kursu ölkəmizin regionda və dünyada nüfuzunu gündən-günə artırır. Bu uğurlu siyasətin təməli Azərbaycan xalqının Ümummilli Lideri, Ulu öndər Heydər Əliyev təfəkkürü və uzaqgörənliyi ilə qoyulmuşdur. Ulu öndər Heydər Əliyev tərəfindən müəyyənləşdirilən enerji strategiyası və diplomatik konsepsiya Azərbaycanın müstəqilliyini möhkəmləndirmiş, ölkəmizi regional və qlobal layihələrin mərkəzinə çevirmişdir.

Bu gün müasir Azərbaycan dövləti həmin mükəmməl strateji xətti keyfiyyətcə yeni müstəvidə uğurla davam etdirir. Müəyyən olunmuş xarici siyasət kursunun Azərbaycan Respublikasının möhtərəm cənab prezident İlham Əliyev tərəfindən qətiyyətlə yürütməsi nəticəsində ölkəmiz Avropanın etibarlı tərəfdaşına və regionun əsas sülh təşəbbüskarına çevrilmişdir. 1 iyul 2026-cı il tarixində Avropa Komissiyasının Prezidenti Ursula Fon der Lyayenin Azərbaycana növbəti rəsmi səfəri və səfər çərçivəsində keçirilən yüksək səviyyəli görüşlər Azərbaycan-Avropa İttifaqı əlaqələrinin strateji xarakterini bir daha sübut etmişdir.

Görüş çərçivəsində cənab prezident İlham Əliyev mətbuat üçün geniş bəyanatla çıxış edərək ikitərəfli və çoxtərəfli əməkdaşlığın prioritet istiqamətlərini diqqətə çatdırmışdır. Cənab prezident İlham Əliyev öz bəyanatında xüsusilə vurğulamışdır ki, Azərbaycan ilə Avropa İttifaqı arasında enerji sahəsindəki tərəfdaşlıq artıq keyfiyyətcə yeni mərhələyə – "yaşıl keçid" və bərpa olunan enerji sahəsinə qədəm qoyub. Cənub Qaz Dəhlizinin tam gücü ilə fəaliyyət göstərməsi Avropanın enerji təhlükəsizliyinin təmin olunmasında müstəsna rol oynayır. Eyni zamanda, Xəzər dənizinin külək enerjisi potensialından istifadə olunması və Qara dənizin dibi ilə çəkilməsi planlaşdırılan elektrik xətti vasitəsilə Avropaya "yaşıl enerji"nin nəqli layihələri Azərbaycanın təkcə karbohidrogen deyil, həm də ekoloji təmiz enerji ixracatçısı kimi strateji mövqeyini daha da möhkəmləndirir.

Bəyanatda toxunulan digər vacib məsələ nəqliyyat və kommunikasiya infrastrukturlarının inkişafı, xüsusilə Orta Dəhlizin imkanlarının genişləndirilməsi olmuşdur. Azərbaycanın geosiyasi mövqeyi, modernləşdirilmiş Bakı Beynəlxalq Dəniz Ticarət Limanı, yenidən qurulan dəmir yolu və avtomobil şəbəkələri Şərq-Qərb və Şimal-Cənub nəqliyyat dəhlizlərinin effektiv fəaliyyətinə xidmət edir. Bu kontekstdə regionda nəqliyyat bağlantılarının açılması, Naxçıvan istiqamətində kommunikasiya xətlərinin bərpası regional inteqrasiya və iqtisadi dirçəliş baxımından böyük əhəmiyyət kəsb edir.

Cənab prezident İlham Əliyev bəyanatında Cənubi Qafqazda davamlı sülh və təhlükəsizlik məsələlərinə də xüsusi diqqət ayırmışdır. İkinci Qarabağ müharibəsi və anti-terror tədbirlərindən sonra bərqərar olmuş yeni reallıqlar fonunda Azərbaycan Ermənistanla sülh müqaviləsinin imzalanması və dövlətlərarası münasibətlərin normallaşdırılması üçün konstruktiv addımlar atır. Sülh gündəliyinin dəstəklənməsi, azad edilmiş ərazilərdə sürətlə aparılan bərpa-quruculuq işləri və minalardan təmizlənmə prosesi regionun gələcək sabitliyi üçün həyati əhəmiyyət daşıyır.

Yekun olaraq qeyd etmək olar ki, cənab prezident İlham Əliyev tərəfindən Avropa Komissiyasının Prezidenti Ursula Fon der Lyayenin səfəri zamanı səsləndirilən bəyanat Azərbaycanın müstəqil, milli maraqlara söykənən və beynəlxalq əməkdaşlığı təşviq edən siyasətinin növbəti təzahürüdür. Ulu öndər Heydər Əliyev irsindən qaynaqlanan bu dövlətçilik xətti ölkəmizin parlaq gələcəyinə və beynəlxalq müstəvidə daha böyük uğurlar qazanmasına zəmanət verir.

İsgəndərova Təhminə İlqar qızı,

259 nömrəli tam orta məktəbin müəllimi