2026-cı il iyunun 22-də Türkmənistan Prezidenti Sərdar Berdiməhəmmədovun Azərbaycana rəsmi səfəri iki ölkə arasındakı tarixi və qardaşlıq əlaqələrinin yeni bir mərhələyə qədəm qoyduğunu növbəti dəfə sübut etdi. Bakıda keçirilən yüksək səviyyəli görüşlərdən sonra Azərbaycan Prezidenti İlham Əliyevin mətbuata verdiyi bəyanat həm region, həm də qlobal geosiyasi xəritə üçün strateji mesajlarla zəngin idi. Cənab prezident İlham Əliyev öz bəyanatında ilk növbədə iki xalq arasında mövcud olan çoxəsrlik dostluq, dil, mədəniyyət və tarixi bağlara diqqət çəkdi. İmzalanan birgə bəyanat və digər sənədlər sadəcə hüquqi çərçivədə deyil, həm də iki dövlətin bir-birinin suverenliyinə və ərazi bütövlüyünə verdiyi qarşılıqlı dəstəyin rəsmi təzahürüdür.
Danışıqların iqtisadi platformasında əsas ağırlıq nəqliyyat və tranzit imkanlarının genişləndirilməsinə yönəlmişdir. Avrasya məkanının mərkəzi nöqtələrində qərarlaşan bu iki ölkə logistik potensialı yüksəltmək baxımından eyni mövqedən çıxış edir.
Rəsmi danışıqların iqtisadi parametrləri ilə yanaşı, mədəni-humanitar əlaqələrin də intensivləşəcəyi xüsusi qeyd olundu. Elm, təhsil və sənət mübadilələrinin artırılması qardaş xalqların bir-birini daha yaxından tanıması üçün əsas məqam kimi qiymətləndirilir.
Cənab prezident İlham Əliyevin mətbuata bəyanatı növbəti dəfə təsdiqlədi ki, Azərbaycan-Türkmənistan əməkdaşlığı regional sülhün və iqtisadi yüksəlişin əsas təminatçılarındandır. Bu mühüm səfər və Bakıda səslənən bəyanatlar, Xəzərin hər iki tərəfində yerləşən dövlətlərin gələcəyə ortaq və strateji baxışla irəlilədiyini bütün dünyaya nümayiş etdirdi.

Balaxanı qəsəbəsi, 259 nömrəli tam orta ümumtəhsil məktəbi publik hüquqi şəxsi azərbaycan dili və ədəbiyyat müəllimi Aytəkin Xəlilova