Kənd təsərrüfatı ölkə iqtisadiyyatının ən vacib sahələrindən biridir. Azərbaycanda bu sahənin inkişafına daim böyük diqqət göstərilmişdir. Xüsusilə Ulu Öndər Heydər Əliyev və Cənab Prezident İlham Əliyev kənd təsərrüfatının inkişafını dövlət siyasətinin əsas istiqamətlərindən biri kimi müəyyən etmişlər.Ulu Öndər Heydər Əliyevin rəhbərliyi dövründə kənd təsərrüfatının inkişafı üçün mühüm addımlar atılmışdır. Fermerlərin fəaliyyəti üçün şərait yaradılmış, torpaq islahatları həyata keçirilmiş və kənd əhalisinin sosial rifahının yaxşılaşdırılmasına xüsusi diqqət yetirilmişdir.Ulu Öndər Heydər Əliyev kənd təsərrüfatını xalqın rifahı və ölkənin iqtisadi gücü üçün vacib sahə hesab edirdi.

Cənab Prezident İlham Əliyev də bu siyasəti uğurla davam etdirir. Onun rəhbərliyi ilə regionların sosial-iqtisadi inkişaf proqramları qəbul olunmuş, kəndlərdə yeni yollar, suvarma sistemləri və digər infrastruktur layihələri həyata keçirilmişdir. Fermerlərə subsidiyalar, güzəştli kreditlər və texniki dəstək göstərilməsi kənd təsərrüfatının daha da inkişafına səbəb olmuşdur.Bu gün Azərbaycanda pambıqçılıq, üzümçülük, taxılçılıq, meyvəçilik və heyvandarlıq sürətlə inkişaf edir. Azad edilmiş torpaqlarda kənd təsərrüfatının bərpası və müasir texnologiyaların tətbiqi də dövlətin diqqət mərkəzindədir. Bu layihələr həm istehsalın artmasına, həm də yeni iş yerlərinin yaradılmasına imkan verir.

Nəticə olaraq demək olar ki,Ulu Öndər Heydər Əliyev vəCənab Prezident İlham Əliyevin həyata keçirdiyi uğurlu siyasət nəticəsində Azərbaycanda kənd təsərrüfatı sürətlə inkişaf edir. Bu sahəyə göstərilən diqqət ölkənin iqtisadi gücünün artmasına və xalqın rifahının yüksəlməsinə böyük töhfə verir.

Balxanı qəsəbəsi, 259 nömrəli tam orta ümumtəhsil məktəbinin Azərbaycan dili və ədəbiyyat müəllimi Aysel Xəlilova