Biz bilirik ki, Azərbaycanda memarlıq ənənələrinin çoxəsrlik zəngin keçmişi vardır. Tarixi abidələrimizdən Möminə xatun türbəsi, Xüdafərin körpüsü, Atəşgah kompeksi, Qız qalası, Şirvanşahlar saray kompleksi, Şəki xan sarayı və başqalarını misal göstərmək olar. Bu memarlıq abidələrindən bəziləri Ümumdünya irs siyahısına daxil edilməklə Azərbaycanın memarlıq və şəhərsalma sənətini dünyaya nümayiş etdirmişdir. Xüsusən də Ümummilli lider Heydər Əliyevin respublikaya rəhbərlik etdiyi dövrdə Azərbaycanda şəhərsalma və memarlıq sürətlə inkişaf etmişdir. Ulu öndərin təşəbbüsü əsasında vacib qərarlar qəbul edilmiş, tədbirlər həyata keçirilmiş və memarlıq abidələrinin bərpası üzrə planlı işlər aparılmışdır. Ulu öndərin davamçısı Cənab Prezident İlham Əliyev Azərbaycanın çoxəsrlik tarixə malik şəhərsalma və memarlıq mədəniyyəti ənənələrinin yaşadılması məqsədilə 2026-cı ili “Şəhərsalma və Memarlıq İli” elan edib. Bu qərar milli- mədəni dəyərlərin qorunması baxımından mühüm tarixi əhəmiyyət daşıyır. 44 günlük Vətən müharibəsndəki qələbimizin ardınca Cənab Prezdent İlham Əliyevin təşəbbüsü ilə işğaldan azad edilən ərazilərdə aparılan bərpa-quruculuq işləri Azərbaycanın memarlıq və şəhərsalmaya münasibətini aydın göstərir. Həmçinin, BMT-nin Ümumdünya Şəhərsalma Forumunun On Üçüncü sessiyasının 2026-cı ildə Bakı şəhərində keçirilməsi qərarı Azərbaycanın dayanıqlı şəhərsalma proseslərində artan rolunu göstərir.

Bilgəh qəsəbəsi, 142 nömrəli tam orta ümumtəhsil məktəbin

Tarix müəllimi Günel Babayeva