Fakt Sübut » Azərbaycan - İtaliya əlaqələri genişlənir

  

Azərbaycan - İtaliya əlaqələri genişlənir

Tarix : 6-05-2026, 11:56 Kateqoriya :---
Azərbaycan - İtaliya əlaqələri genişlənir
 
Azərbaycan ilə İtaliya arasında münasibətlər son illərdə təkcə iqtisadi deyil, həm də siyasi və strateji baxımdan keyfiyyətcə yeni mərhələyə yüksəlib. Prezident İlham Əliyev və İtaliya Nazirlər Şurasının sədri Ciorgia Meloni arasında Bakıda keçirilən görüş və səsləndirilən bəyanatlar bu tərəfdaşlığın nə qədər dərin və çoxşaxəli olduğunu bir daha nümayiş etdirdi.
 
Öz bəyanatında cənab Prezident İlham Əliyev bildirdi ki, 2014 və 2020-ci illərdə imzalanmış strateji tərəfdaşlıq bəyannamələri bu münasibətlərin əsasını təşkil edir. Bu sənədlərdə əksini tapan müddəaların bu gün real əməkdaşlıq müstəvisində uğurla həyata keçirilməsi iki ölkə arasında etimadın yüksək səviyyədə olduğunu göstərir. İtaliya Baş nazirinin Ermənistandan sonra Azərbaycana səfər etməsi isə yalnız diplomatik protokol deyil, həm də Bakıya göstərilən xüsusi diqqət və hörmətin simvolik ifadəsi kimi qiymətləndirilə bilər.
 
Siyasi dialoqla yanaşı, iqtisadi əməkdaşlıq da münasibətlərin aparıcı istiqamətlərindən biridir. İtaliya Azərbaycanın bir nömrəli ticarət tərəfdaşı olaraq qalır və ticarət dövriyyəsinin 12 milyard dollara çatması bu əməkdaşlığın miqyasını aydın şəkildə göstərir. Xüsusilə energetika sahəsində tərəfdaşlıq iki ölkəni bir-birinə daha da yaxınlaşdıran əsas amildir. Azərbaycanın İtaliyanın enerji təminatında mühüm rol oynaması, həm neft, həm də qaz təchizatında ön sıralarda yer alması bu münasibətlərin strateji xarakterini daha da möhkəmləndirir.
 
Bu kontekstdə Cənub Qaz Dəhlizi və onun əsas komponentlərindən biri olan Trans Adriatik Boru Kəməri xüsusi əhəmiyyət kəsb edir. Cənab Prezident İlham Əliyevin dediyi kimi, Azərbaycan qazının Avropaya, xüsusilə İtaliya bazarına çatdırılmasında mühüm rol oynayan bu layihənin genişləndirilməsi perspektivi tərəflər arasında gələcək əməkdaşlığın əsas istiqamətlərindən biri kimi çıxış edir.
 
Eyni zamanda, yeni əməkdaşlıq sahələri də formalaşmaqdadır. Hərbi-texniki əməkdaşlıq bu baxımdan diqqət çəkir və birgə istehsal layihələrinin həyata keçirilməsi imkanları iki ölkənin sənaye potensialının birləşdirilməsinə şərait yaradır. İtaliya texnologiyaları ilə Azərbaycan maliyyə resurslarının sintezi qarşılıqlı faydalı nəticələr vəd edir. Beləliklə, Azərbaycan–İtaliya münasibətləri artıq təkcə tərəfdaşlıq deyil, strateji müttəfiqlik səviyyəsinə yüksələrək müxtəlif sahələri əhatə edən dayanıqlı əməkdaşlıq modelinə çevrilib. Bu model qarşılıqlı maraqlar, etimad və uzunmüddətli perspektivlər üzərində qurulduğu üçün gələcəkdə daha da möhkəmlənəcəyi heç bir şübhə doğurmur.
 
 
Rüstəm Nağıyev,
YAP Gədəbəy rayon təşkilatının sədri
Paylaş:

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Daha çox xəbər :

все шаблоны для dle на сайте newtemplates.ru скачать

Təqvim

«    May 2026    »
BeÇaÇCaCŞB
 123
45678910
11121314151617
18192021222324
25262728293031
© Copyright 2025, Bütün hüquqlar qorunur.