Tarixdə iz qoyan Azərbaycan qadınlarında biri də Zərifə xanım Əliyevadır.Adı kimi zərif ürəyə , incə və şəfqətli xarakterə malik bir xanımdır Zərifə xanım.Əsl Azərbaycan qadının simvoludur. Zərifə xanım həkim , alim ,ziyalı ailəsində anadan olmuşdur.Böyük ictimai xadim və həkim olan Əziz Əliyevin ailəsində dünyaya göz açan , əsl ziyalı tərbiyəsi görmüş Zərifə xanım Azətbaycan tibb elminə böyük töhfələr vermişdir. Ailəsindən gələn sadəlik, ziyalılıq daim Zərifə xanımı tanıyanları heyran etmişdir.
Zərifə xanım Ulu öndərimizin ömür -gün yoldaşı, sirdaşı idi. Xalqımıza məxsus gözəl keyfiyyətləri özündə cəmləşdirən ziyalı xanım əsl Azərbaycan xanımı olaraq Ümummili liderimizin arxası , dayağı idi.Nahaq yerə demirlər ki , hər bir güclü kişinin arxasında güclü qadın dayanır.Bu doğurdan da belədir. Zərifə xanım dahi alim , böyük isedada malik həkim olmaqla yanaşı, həm də qayğıkeş ana , həyat yoldaşı , həssas qəlbə malik bir qadın olmuşdur. Ulu öndərimizlə birgə qurduğu ailə , onların arasındakı sədaqət bütün dünyaya nümunə idi. Ulu Öndərimiz ömür -gün yoldaşı Zərifə xanım haqqında deyirdi : “Həyatımın bütün dövrlərində işlə məşğul olduğuma görə ailə məsələlərinə fikir verməyə vaxtım olmayıb .Bunların hamısını Zərifə xanımın üzərinə düşüb və o da bu vəzifəni şərəflə, sədaqətlə, çox böyük məharətlə yerinə yetirib.
Böyük titullara, elmi dərəcələrə malik olsa da, Zərifə xanım ən sadə insanlara da eyni qayğı ilə yanaşmışdır.Tabeliyindəki kadrların həkimlərin ,elmi işçilərin və digər çalışanların qayğısına qalır , onların problemləri ilə yaxından maraqlanırdı, ailə -məişət qayğılarında da kömək edirdi. Elə bu səsbəbdən də Zərifə xanımı hər kəs böyük minnətdarlıqla yad edir.
Zərifə xanım böyük alim olub. Milli kadr hazırlığı prosesində də fəal iştirak etmişdi. Azərbaycan oftamologiya elmiminin inkişafı üçün fundamental əsərlər yazmışdır. Çoxsaylı elmi məqalələri ,monoqrafiyaları ilə Azərbaycan səhiyyəsinə dəyərli töhfələr vermişdir.
Zərifə xanım həm də Ali Baş Komandanımızın anasıdır.Müzəffər Ali Baş Komandanımızı böyüdən şərəfli Ana, çətin günlərin sınağından çıxan həyat yoldaşı, minlərlə insanın gözünün nur işığı qadın Zərifə xanım Əliyeva, nur içində yat !
Humay Vəliyeva – Cəlal Məmmədyarov adına 155 saylı tam ümumtəhsil məktəbin Azərbaycan dili və ədəbiyyat müəllimi